Concello de Meira

Inicio » Turismo » Puntos de Interese » Rutas

Área recreativa "Porto da Pena"

Área recreativa Porto da Pena

Rutas

    • A área recreativa do Porto da Pena atópase no lugar de Corvaceiras, na parroquia de Santa María de Meira. Sitúase a 523 metros de altitude sobre unha ladeira situada ao oeste, que descende nesa dirección desde a Serra de Meira. Está tamén próximo ao Pedregal de Irimia, onde se atopa o nacemento do río Miño.

    As coordenadas xeográficas son:

    U.T.M.:

                 X = 641.100

                 E = 4.786.100

    Xeográficas:

                 Lonxitude: 43º 12' 80” norte

                 Latitude: 7º 16' 47” oeste

    Esta parcela áchase a uns 1.300 metros aproximadamente da poboación de Meira, pola que pasa a estrada N-640 Vilagarcía de Arousa - Barres.

    Para chegar ata aquí débese tomar a estrada local que une Meira co Pedregal de Irimia.

    Neste lugar celébrase a tradicional Xira Campestre o 17 de agosto como colofón das Festas Patronais, onde os veciños se reúnen ao mediodía para comer cos seus convidados á sombra dos carballos e gozando do campo e do ambiente festivo.

    Este é un enclave idóneo para a iniciación ao coñecemento e comprensión básica das riquezas histórico-artísticas e naturais de Galicia, así como da paisaxe, flora e fauna da Serra de Meira.

    Ofrece tamén as condicións adecuadas para practicar a educación ambiental, onde a observación directa, o xogo ou a convivencia, favorecen o achegamento á Natureza e o desenvolvemento dunha sensibilidade e solidariedade co noso contorno. Os temas relativos á xeografía e a paisaxe, os valores naturais, as formas de vida tradicionais ou os problemas ambientais, son algúns dos seus eixos principais.

    Innovate Deputación de Lugo UE

    Información sobre el documento

    Concello de Meira
    Concello de Meira
    Plaza do Concello s/n – 27240 Meira - Lugo (Galicia)
    Teléfono: 982 330 102 | Fax: 982 104 090
    E-mail: consultas@concellodemeira.com