Asociación M de Meira

A Asociación Cultural Eme de Meira constitúese en novembro de 2007 pola escasa incidencia cultural coa que contaba o noso concello, como unha asociación sen ánimo de lucro que pretende garantir a toda a comunidade a igualdade de oportunidades no acceso á cultura, facilitando o exercicio dos dereitos fundamentais das persoas para unha boa convivencia democrática.

A Asociación quere darse a coñecer como unha organización cultural, lúdica e informativa na que teñan cabida todo tipo de persoas sen distinción de idade, sexo, raza, relixión ou calquera outro tipo de condicionantes.

A participación aberta é un dos piares da Asociación, podendo os socios aportar ideas e levalas a cabo entre todos. A realización de actividades neste primeiro ano de vida fixo que na actualidade teñamos 65 socios.

OBXECTIVOS:

- Estimular o consumo cultural fóra do fogar.

- Promover o lecer comunitario e a identidade colectiva.

- Dinamizar os recursos endóxenos e o patrimonio cultural a toda a comunidade.

- Potenciar a participación cidadá efectiva.

- Satisfacer as necesidades de lecer activo, creativo e autónomo dos cidadáns.

- Dotar á comunidade de espazos de ocio alternativos a través de propostas novidosas.

- Buscar espazos de encontro para as persoas para intercambiar impresións e colaborar conxuntamente.

- Utilizar o medio ambiente como ferramenta para o axeitado desenvolvemento da persoa.

- Adquisición de normas e hábitos sociais e o desenvolvemento de habilidades e capacidades persoais e grupais por parte dos destinatarios.

- Promoción e uso da lingua galega.

DATOS DA ASOCIACIÓN:

- Asociación Cultural EME de Meira NIF G27369818

- Nº de rexistro: 2007-11013-1

- Sede Social: Praza do Concello nº 4 Baixo 27240 Meira (Lugo)

- Administración Tel. 628007526 Fax. 982330551

- Correo electrónico: info@mdemeira.org

- Páxina web: www.Mdemeira.org

ACTIVIDADES REALIZADAS:

Decembro 07:

Curtas no Nadal.

Proxección de curtametraxes, sesión infantil e aberta.

Xaneiro / Febreiro 08:

Concurso “Búscase Logo”.

Marzo 08:

Concerto de Darbukka, grupo galaico-asturiano que nos presentou o seu último traballo discográfico.

Gañador Logo.

Maio 08:

Libros para a comunidade, aportación á biblioteca municipal co gallo do Día das Letras Galegas.

Xuño / Xullo 08:

"M de Meira" na Rede.

Presenza da Asociación en Internet.

Xullo / Agosto 08:

Campamento Urbano.

15 dias de diversión para os peques e alivio para os pais.

Agosto 08:

Tarde de Cine Meirego.

Proxeccións de Andrés Goteira e Eloy Enciso.

Setembro 08:

“Expresións Espontáneas 1.0” espazo multicultural.

Juán Vila, Fina Eiros, Os Minhotos e No Alboiro

Novembro 08:

Magosto Popular.

Bailes e Música con María Castaña.

Novembro / Decembro 08:

Sábados para os nenos.

Programa de catro sesións de contacontos e actividades lúdicas para os máis pequenos.

Decembro 08:

Concerto de música clásica, Stranikki (sen confirmar).

<- Volver ao listado de entidades e asociacións.